Como actividade principal deste Proxecto tiveron a “Gymkana das Emocións” que tivo lugar o mércores 20 de febreiro na sala de usos múltiples e no patio e participaron os alumn@s de 4º,5º,6º de Educación Infantil e 1º,2º e 3º de Educación Primaria. Esta foi unha gymkana moi peculiar porque non gañou o máis rápido, nin se fixo co premio o máis forte, senón que consistíu en saber seguir as indicacións e ter imaxinación para idear solución alternativas. A través desta actividade os nosos alumn@s aprenderon a controlar os seus impulsos, agardar para obter un premio e aprender a tolerar a frustración. Esta Gymkana constou de varias actividades:

Actividade 1: “Carreira de Caracois” Establecimos un percorrido (curto ou non dependendo para que curso) que os alumn@s tiveron que completar no máximo tempo posible. Tiveron que moverse arrastrándose ou a catro patas é dicir a cámara lenta ata chegar á meta pero sempre avanzando para poder chegar a recoller unha emoción. O xogador que se quedase parado quedou eliminado da proba e gañou o último que chegou.

Actividade 2: “Tiro ao cubo” Puxemos unhas papeleiras ou caixas nunha parte da sala de usos múltiples. Animamos aos nosos alumn@s a facer cada un tres bolas  de papel de periódico e a lánzalas ao cubo ou Caixa, dende a distancia que nos consideramos. A idea foi que algún acertase pero que non fose especialmente sinxelo. Deixamos que cada alumn@ probase a lanzar as súas pelotas e senón acertasen ningunha, tiveron que buscar unha actividade alternativa na que usasen as súas bolas de papel (como facer unha torre, xogar ao futbol, pintalas, recortalas, facer churros, darlle forma de algo. Etc…). A consigna que usaron cando fallaban os tres intentos e “non pasa nada, vou…” e tiñan que explicar que ían facer coas bolas. Os alumn@s que acertasen algún tiro quedábanse con menos pelotas para facer a actividade alternativa e o que acertase as tres axudou a dar ideas aos que fallasen algún dos tiros.

Actividade 3: “Olimpiadas das Emocións”

Fixemos un circuito na sala de usos multiples, marcando un percorrido con pequenos obstáculos establecidos según a idade e habilidades dos nen@s participantes (xiros, elementos a rodear ou saltar, tramos a pasar de costas ou a pata coxa, etc…). O xogo desenvolveuse dando tres voltas ao percorrido incrementando o nivel de dificultade en cada volta. Así na primeira volta cada neno fará o circuito só, e ao ritmo que queira, pero a dificultade incrementouse nas seguintes voltas. Por exemplo, fíxose establecendo que foran abrazados por parellas, levando unha pelota entre as pernas, atados polas máns, un ovo nunha culler ou levando un vaso de plástico con auga que non pode derramarse…calquera modalidade é válida. Cada participante decidíu se afrontaba a seguinte volta ou non. A clase que mellor o fixo tivo un premio xeral como foi visionar unha película que lles gustaba na pantalla dixital da sala de psicomotricidade con palomitas para todos.

Primeiro Trimestre: Como parte do Proxecto “Viaxe ao reino das emocións” elaborado pola Fundación Meniños e organizado polo Dpto. de Orientación do Centro como novidade para este curso visionaron a seguinte película: “O bebe xefazo” que trata o tema das emocións e o feito de que todos necesitamos que alguén nos queira e tamén trata o tema da rivalidade entre irmáns.

Segundo Trimestre: Charla “Prevención do Acoso Escolar” impartida pola Orientadora do Centro e posteriormente se fixo cos nenos unha serie de actividades interactivas ( na pantalla dixital) e no papel relacionadas con dito tema. Tamén visionaron a seguinte pelicula “Ferdinand” que nos ensina que non se pode xulgar as persoas polo seu aspecto é mester coñecelas.

Primeiro Trimestre: Como parte do Proxecto “Viaxe ao reino das emocións” elaborado pola Fundación Meniños e organizado polo Dpto. de Orientación do Centro como novidade para este curso visionaron a seguinte película: “Xogo de Honor” que trata o tema das emocións e a disciplina, honor, respecto e integridade.

Segundo Trimestre: Charla “Prevención dos Riscos de Internet e as Redes Sociais”impartida pola Orientadora do Centro e posteriormente se fixo cos nenos unha serie de actividades interactivas ( na pantalla dixital) e no papel relacionadas con dito tema. Mediante esta charla preténdeuse que os nosos alumn@s se conciencien sobre a necesidade de que teñen que aprender cómo moverse por Internet e as redes sociais dunha maneira axeitada para así evitar perigos. Tamén levarán a cabo o Proxecto titulado “Mulleres de hoxe que serán historia mañá” .Este proxecto de sensibilización nace co obxecto de axudar á transmisión de valores de respecto, contribuíndo a favorecer a igualdade real e efectiva entre nenos e nenas, para axudarlles a reflexionar sobre o seu propio potencial, crer nas súas posibilidades, de forma que poidan acadar as súas metas e lograr ser o que queiran ser nun futuro próximo. Por iso este é un proxecto educativo para que os nosos alumn@s de 5º de Primaria, traballen en grupo, expoñan o que queiran ser de maiores, como queren acadar os seus soños, buscando grandes referentes femininos, derribando estereotipos de xénero e fomentando a igualdade. No noso Centro cremos firmemente no poder dos nosos alumn@s como axentes de cambio da nosa sociedade!. Tamén veron a pelicula “A mecánica do corazón” que traballa todo tipo de valores e de emocións..

Primeiro Trimestre: Como parte do Proxecto “Viaxe ao reino das emocións” elaborado pola Fundación Meniños e organizado polo Dpto. de Orientación do Centro como novidade para este curso visionarán a seguinte película: “Superbrother” que trata o tema das emocións e dos valores.

Segundo Trimestre: Visionado da película “Unidos por un sueño” onde traballaremos cos nosos alumn@s o deporte coma ferramenta de desenvolvemento en valores,  a presión do grupo e as relacións entre pais e fillos.

Primeiro Trimestre: Como parte do Proxecto “Viaxe ao reino das emocións” elaborado pola Fundación Meniños e organizado polo Dpto. de Orientación do Centro  para este curso visionaron a seguinte película: “Todos los niños son especiales (Taare Zaamen Par)” que trata o tema da discapacidade e posteriormente fixeron actividades sobre dito tema aportados pola Orientadora do Centro. Onde traballamos cos nosos alumn@s valores como o respecto á diferencia, as emocións, amor á profesión de mestre. Tamén lles ensinamos que todos debemos preocuparnos por coñecer os problemas que moitos nenos teñen, e que non son comprendidos e en base a isto hai que aplicar estratexias especiais, segundo sexa o caso, dándolles a oportunidade de aprender  sen necesidade de ser maltratados pola sociedade. É importante que os mestres recoñezan que non todos os nenos son iguais e que moitos pais ao ignorar o que realmente lles acontece caen no erro de castigalos, sendo éstos así as vitimas de violencia psicolóxica, moral e física, logrando con isto empeorar a súa situación facéndoos caer  en depresión, tristeza absoluta e ocasionando que se estanquen, retrocedan, non se interesen por aprender fracasando así nos seus estudos.