Esta charla de “Educación Vial”, elaborada polo Departamento de Orientación deste Centro desenvolveuse coa intención de concienciar a todos os nosos alumn@s, sobre a importancia de ter unha educación vial axeitada.

Os nosos alumn@s deben aprender a vivir en sociedade, o que implica que deben desenvolver unha serie de valores que lles permita convivir cos seus iguais .A vía pública é un lugar inevitable de socialización, onde teñen lugar encuentros obrigados e inesperados con todo tipo de persoas. Cada unha delas con diferentes razoamentos,intereses e preferencias por isto a única finalidade que debemos conseguir na Educación Vial é que os nosos alumn@s adquiran certos valores e habilidades esenciais para conducirse e manexarse na vía pública sen correr o menor risco agora como peatóns e posteriormente como conductores.

Pretendemos fomentar no noso alumnado o principio de responsabilidade no uso da vía por parte de tod@s os usuarios, evitando desta maneira ser un perigo para os demáis. É básico que aprendan a asumir a responsabilidade dos seus actos e as consecuencias dos mesmos.

A Educación Vial é unha necesidade da sociedade actual, non só trata de buscar os medios necesarios para darlles aos nosos alumn@s os coñecementos básicos das regras e normas de circulación, senón crear, formar, fomentar, inducir a promover actitudes positivas cara unha boa educación vial. Ao igual que ensinamos aos nosos alumn@s a compartir os seus xoguetes, a non pelexar, a rematar o seu almorzo debemos ensinarlles a moverse e compartir a vía pública.

A Educación Vial é un problema na aprendizaxe de comportamentos na vía pública, xa pode ser como peatón, conductor ou viaxeiro. Dito aprendizaxe debe traballar na rutina diaria coas familias na casa e na vía pública. É un proceso de aprendizaxe de actitudes e condutas que favorece a convivencia entre seres humanos.

Os nosos alumn@s deben ser educados e formados na necesidade e conveniencia da educación vial. Un axeitado comportamento vial consiste nun axeitado uso das vías públicas, é unha parcela máis do comportamento cidadá, que require de educación. De aí a necesidade de impartir estas charlas nas nosas aulas.

A Educación Vial na aula debe buscar a educación integral dos nosos alumn@s, fomentando as relacións interpersoais e a socialización, poñendo de manifesto que o comportamento na vía pública é moi importante.

O obxectivo último destas charlas é crear e fomentar valores democráticos para posibilitar unha convivencia cordial en sociedade.

Obxectivos:

• Desenvolver actitudes de prevención na vía pública.
• Coñecer e aplicar as normas dos peatóns.
• Fomentar actitudes de convivencia cidadá, respecto e solidaridade.
• Utilizar con responsabilidade o cinturón de seguridade nos diferentes transportes.
• Fomentar actitudes de respecto cara as normas de circulación como cara aos axentes que vixian e regulan o tráfico na vía pública.
• Evitar os accidentes de tráfico, tanto de peatóns como de conductores.
• Adoptar comportamentos axeitados e responsables no uso das bicicletas, monopatins…tendo conciencia dos perigos que poidan derivarse do seu mal uso e de non respectar as normas de circulación na vía pública.
• Adoptar condutas seguras como viaxeiros nun vehículo particular, ao subir e baixar do vehículo facelo polo lado da aceira.
• Utilizar os asentos traseiros do vehículo, nunca os dianteiros.
• Utilizar os dispositivos de retención axeitados.